天然酵母饅頭

直到今天，我已嘗試養了四瓶天然酵母，好失敗，全部沖去大海！

有點打擊呢！或者。。。應該停一吓，再繼續罷！就好像我最近的健康和工作，
都不約而同出了問題，真是事事不如意呢！！！

這個饅頭係第二瓶提子乾酵母做的，那時餵食到了第三天，看它狀態麻麻，
書話到這天可掉些，咁。。。我嘗試做饅頭，因為只需發一次。。。

份量多少都忘記了，因為純粹係試驗品！

首先混合好所有材料，拌至三光，便可，表面仍然係皺痕，好似月球表面。。。

第一次發30分鐘，後再搓揉，好快麵團便成光滑，不用搓出筋性。

分割和做型，我都無特別去做型，求其搓到球形便了事！
第二次發到兩倍大，我以32度發了三個鐘。。。

又因為夜了，唔想等太耐，一於拎去蒸。。。

好開心哦。。。

佢地好聽話呢，快高長大，個個發到圓又圓。。。

因為我用金砂糖餵養，所以饅頭係淺金色。。。

口感～鬆軟，帶點點彈性，不是un； 糖放了好少，但係甜度十分出，
可能係麵粉經過三天發酵，帶出了麵粉本身的甜味，也是天然酵母其中一個特性。。。

 

係咪好靚呀？合格嗎？全天然酵母，無添加。