自釀士多啤梨酒

睇見blog友自釀酒, 好似好易, 個日買到新鮮靚靚嘅士多啤梨, 又試試釀吓....
近排工作好多壓力, 唔知飲酒可唔可以舒緩吓呢!?!? 但要等3個月才可飲, 到時D壓力仲有咁咪惨....
唉...釀咗先算.....
材料:
靚靚士多啤梨 300g
檸檬 1個(我切去黄皮) 切片
冰糖 50g
雙蒸白酒(甚麽冇色酒都可以, 選酒精高些比較安全) 可盍過士多啤梨
制法:
1. 洗淨和風乾士多啤梨, 去頂; 吉樽消毒、涼乾
2. 放所有材料於已消毒吉樽, 盍蓋
3. 2~3天畧拌士多啤梨, 使之拌勻, 些時可聞到香甜嘅士多啤梨味
4. 間中我會遙吓佢, 2星期後, 倒去士多啤梨和檸檬, 等3個月就可飲用。
第二天士多啤梨仍好靚

一個星期後已淡色咗, 但香甜味好濃; 第二個星期色更淡

看色澤好靚且酒色清澈

試飲了一口, 有微微士多啤梨酸味, 酒味清, 好似未成熟, 要等吖....等吖....等3個月呢!